আহ্'ভিলেচ-সৌরভ চাকমা

-
বিঝু আহ্'ঝি খুঝি গরি ফিরি এযে বঝর বঝর
বিঝু কুরে কুরে গাঝত্ ফুল ফুদোন নানা বাবদর,
নুঅ রঙে সাজি উধে মুরোল্যা চাগালার ভরন্দি আদামানি
খুঝি খুঝি অয় মুরোল্যা চাগালার বেক মানেয়র মনানি,
মোনোবী দাগি ঘরানি সাজে তুলোন মনর আহ্ওঝে
দঘিনো বোয়েরত মনান জুরে যেদ ফুলর তুম্বাঝে
সারাল্যা আদাম ভরন অয় যেদ রেঙে গীদে
আহ্'ঝি খুঝিয়ে মনত্ ন থেদ কন বজঙ চিদে।

মা গঙারে সাক্ষী রাগে সিঝি বিন্যা মাধানত্
ছরাত ফুল ভাহ্'জেদঙ ফুল বিঝু হেনত্,
বিঝু দিনত্ বেগে বেড়েদঙ সঙ সমারে
মনর দুঘকানি ভাহ্'জে দিদঙ পুরোন বঝরর গঙারে।
মন আহ্ওঝে নুঅ বঝর গুঝি লদঙ
তবনা গরি  বঝরবো সুঘে থেদঙ।

মাত্তর,এ বঝর বিঝু আহ্'ঝি খুঝি গরি
আমা সিদু ন এযেহ্ ফিরি,
বিঝুর কন চিদে আহ্ খুঝি নেই মনানত
জীংকানি গঙে যার দিনে রেদে ঘর আন্ধারত।

যিন্দি যেব সুনানা
মানেয়র মরা কিজেক সারানা
বাজি থেবার চিদে লোয় মানেয়র আহ্'ভিলেচ খানা।

পুর:৯.০৪.২০২০

Comments

Post a Comment

Popular posts from this blog

বেলত্তমা জীংকানি-করুন জ্যোতি চাঙমা

-
দিঃবে হঃ দারিত্তে গরি ফুলসুমুরি গজ টিক্কেট হুরদন।বোইয়েরঃ নাঙ বাচ নেই।হরান্নে অলে এ্যান অকতত চিদ ন বিচ্চ্যে চিকচিক্যে লাগে।দাঙদাঙ্গে চেরোপালা।মাদি চক্কর চক্কর গরি ফাত্তে।গাজত্তুন রাঙা রাঙা বুড়ো অয়ি পাদানি ঝরি যেয়ে।হরান্নের তঅত বেক আঙুরি অয়ি।চিগোন চিগোন ঝুরিঝারি শুগে যেয়ে।বড় ছড়াত পানিনাল মরা মরা ওয়ি।ছড়া পারত বাচবনর ছাবাত ঝরিপোচ্চ্যে ঝারবো নাকসা ফুলুন এবঃ সং পোতপোত্যে আগন।পানি নাল গোদা হুলুগ অয়ি।ছড়া ইযিয়ের হরমে।এ্যান অকতত লাঙেলঃ আদ্ধানত এক্কান চিগোন আলগ ঘর মুত্তি দক গরি থিগেই আগে।ইজোরান তেনজং অয়ি।ভালক বুলোন অয়ি পাপাং, হালিক ঘর নানুবোর সোর গরিবার নাঙবাচ নেই ।ইজোরত হয়িক্কো টেপ পোচ্চে পিলে গচ্চাদন।নারিহুলোর মালালোই বানেয়ে পানি লই দি ধোরোনি গান জলে ধোচ্চে গানি তঅতদ শুগেনেই থগরা মু গরি চেই আগে।ঘরর চেরোপালা বিরবিচ্চ্যে, সাঙসাঙ্গে।ঘরানত বানা দি বুচ্চে বুড়ি থান্ন্যে।দিন্নোবো এলে হামত যান।সাঝ অং অং গরি দে অরান গরি ঘরত ফিরন।বেন্নে ঘুমত্তুন উদিবাক ও হিজেহিচ্চ্যে আধাআত্ত্যে গরি ভাততোন রানন।হলাপাদা লোই মোচা গরি লন।যাদে সলাত আদ্ধানত ছড়াত চাদারাত থাগল ধারেই লন।বুচ্চ্যে বুড়ি হামঝারি মানুচ। সবাই বোজি ন...
Read more