বেলত্তমা জীংকানি-করুন জ্যোতি চাঙমা

দিঃবে হঃ দারিত্তে গরি ফুলসুমুরি গজ টিক্কেট হুরদন।বোইয়েরঃ নাঙ বাচ নেই।হরান্নে অলে এ্যান অকতত চিদ ন বিচ্চ্যে চিকচিক্যে লাগে।দাঙদাঙ্গে চেরোপালা।মাদি চক্কর চক্কর গরি ফাত্তে।গাজত্তুন রাঙা রাঙা বুড়ো অয়ি পাদানি ঝরি যেয়ে।হরান্নের তঅত বেক আঙুরি অয়ি।চিগোন চিগোন ঝুরিঝারি শুগে যেয়ে।বড় ছড়াত পানিনাল মরা মরা ওয়ি।ছড়া পারত বাচবনর ছাবাত ঝরিপোচ্চ্যে ঝারবো নাকসা ফুলুন এবঃ সং পোতপোত্যে আগন।পানি নাল গোদা হুলুগ অয়ি।ছড়া ইযিয়ের হরমে।এ্যান অকতত লাঙেলঃ আদ্ধানত এক্কান চিগোন আলগ ঘর মুত্তি দক গরি থিগেই আগে।ইজোরান তেনজং অয়ি।ভালক বুলোন অয়ি পাপাং, হালিক ঘর নানুবোর সোর গরিবার নাঙবাচ নেই ।ইজোরত হয়িক্কো টেপ পোচ্চে পিলে গচ্চাদন।নারিহুলোর মালালোই বানেয়ে পানি লই দি ধোরোনি গান জলে ধোচ্চে গানি তঅতদ শুগেনেই থগরা মু গরি চেই আগে।ঘরর চেরোপালা বিরবিচ্চ্যে, সাঙসাঙ্গে।ঘরানত বানা দি বুচ্চে বুড়ি থান্ন্যে।দিন্নোবো এলে হামত যান।সাঝ অং অং গরি দে অরান গরি ঘরত ফিরন।বেন্নে ঘুমত্তুন উদিবাক ও হিজেহিচ্চ্যে আধাআত্ত্যে গরি ভাততোন রানন।হলাপাদা লোই মোচা গরি লন।যাদে সলাত আদ্ধানত ছড়াত চাদারাত থাগল ধারেই লন।বুচ্চ্যে বুড়ি হামঝারি মানুচ।

সবাই বোজি ন থান।অনসুর তুত্তুরোন।আ নলে এ চৈদ মাচ্চ্যে হরান্ন্যে অকতত হি হাম থাইদি? বিঝু হুরে হুরে বেগ ঘরত অলর।বানা যিগুনর ওলোদ হুরোনা ঝের পত্ত তারা নাগে নিযেচ ন পেয়ে গরি ওলোদ হুরিদাক হনঃ বিঝুবো ভিদিরে হুরি পুরান নিঃ।দি বুচ্চ্যে পুনো পুন্যে গরি হামত যেদাক।
পো নেই।ইক্কো গরি ঝি এর সিবেও বো দোন।বুচ্চ্যে বুড়ি দাগি রান্নেত যেদাক হামত।বুড়ি রাগেদঃ হলা বাগানান, বুচ্চ্যে ফেরিদো বেত।এত্তে সলাত নোজি নোজি ডুলু বাচ হাবি আনিদেক।বেত ফেরানা অলে তারি বানি থদঃ।রেদোত অলে ভাত হেই হাই আজের মাজের ওই বুনিদো বুচ্চ্যে।এক্কে গরি তারার দিনুন হাদি যাদন।বীঝু এল।যা দগে তে বিঝু পালেলাক।বুচ্চ্যে বুড়িও বিঝু পালেলাক।বিঝু গঙত হয়েকদিন সরান পেলাক।

সবাই বোজি ন থান।অনসুর তুত্তুরোন।আ নলে এ চৈদ মাচ্চ্যে হরান্ন্যে অকতত হি হাম থাইদি? বিঝু হুরে হুরে বেগ ঘরত অলর।বানা যিগুনর ওলোদ হুরোনা ঝের পত্ত তারা নাগে নিযেচ ন পেয়ে গরি ওলোদ হুরিদাক হনঃ বিঝুবো ভিদিরে হুরি পুরান নিঃ।দি বুচ্চ্যে পুনো পুন্যে গরি হামত যেদাক।
পো নেই।ইক্কো গরি ঝি এর সিবেও বো দোন।বুচ্চ্যে বুড়ি দাগি রান্নেত যেদাক হামত।বুড়ি রাগেদঃ হলা বাগানান, বুচ্চ্যে ফেরিদো বেত।এত্তে সলাত নোজি নোজি ডুলু বাচ হাবি আনিদেক।বেত ফেরানা অলে তারি বানি থদঃ।রেদোত অলে ভাত হেই হাই আজের মাজের ওই বুনিদো বুচ্চ্যে।এক্কে গরি তারার দিনুন হাদি যাদন।বীঝু এল।যা দগে তে বিঝু পালেলাক।বুচ্চ্যে বুড়িও বিঝু পালেলাক।বিঝু গঙত হয়েকদিন সরান পেলাক।

দিন গেলাক, মাস গেলাক, বজর ভিদি গেলাক।হিয়েই হবর ন পেদাক এ বুচ্চ্যে বুড়ি হবালত হি লেগা আগে।তারা দগে তারা হাজিহুজিয়ে জিংহানি গোঙাদন। তারার বো দিয়ে ঝিবো এচ্চে ভালক দিন অল ন বেরাল্লি দে।সেনে বুড়ির এক্কা হেয়ে উমুচ্চে উমুচ্চে লাগের।তারা জামেইবো আক্কলান পাজারাত তে সিয়ানও হবর পান এনে।ত্যুও মা-বাবর মন হলে থুম।হোই পাদান এ ন পারে।হানত লে গরি দিয়ে মানচোরও পরা নেই।জামেইবো তারার ঝিবোরে থোচ্চ্যে হাবায় দি সে হদানি বেগ লুগেঙি।বুড়ি সিদে সিদেই ঘুম যে ন পারে।ঝিংহানির হুমোক হামাক পদত হি হি লাগত পা পরে হেইয়েই হো ন পারন।

২.
এচ্চে দি মাস অলঃ বুড়ি হেয়েত সুগ নেই গরি আগেদে।দুল গরি পোরি থায় দিনে রোদে।হেঙেদা অয়ি।চোগ গাদঃ ভিদিরে সম্মোন নোই।বুচ্চ্যে অলর গরি তারে রেনি চায়।ধেক্কে মেক্কে গিরিত্তি ঘর হামানি সামালার।চিদেয় চিদেয় তেও ঝুপ্পে গি।গোদা ঝিংহানিগান এক্কুই হামে হামে হাদেলাক, যেবার পাদাল্লে তারা এম্মা বে নালত পরিবেক্কে আন্ধাজও গরি ন পারন।


বুড়ির অসুক্কান বেড়বেড়ে বেচ অর।বৈদ্য উগুরে বৈদ্য দেগেলাক, তালিগো উগুরে তালিক উড়েলাক।
যে অধত।বুচ্চ্যে অদগজ অয়ি।বুচ্চ্যে তা ঝিবোরে আটতো হেপ অল হোইপাদাত্তে।জামেইবো ইরি ন দের হিনেই এই ন পারের।বুচ্চ্যে ঝিবো দৈববি তা নেক্কো ইদু অনসুর তন তনায় তা মা দাগি দু এবাত্তেই।পরান ইত্তুক অয়ি তা মা সুগ নেই দি সিয়ান শুন্নে ধরি।বো এচ্চেদে সাত/আটতো বজর অলগি।এব সং বানা তিন গাদা বেড়া যেই পিয়েদে তা মা দাগি দু।তা জামেইবো বজমান মুরহুত্তে।অনসুর পেজাল গরে।থোচ্চ্যে হাবায়।মেরোত্তলে হনবাবদে পরানান বাজে বাজে আগেদে।গাবুরো অকতত পুককুলেত্তুন বো সিয়োন।তা মা দাগি ন দোন।সে জামেইবো দাগি এক্কা নাদা মেক্কে সেনে।টেঙ্গা-পোইসে বলা মানুচ তোগেওন।পেয়োন বুরুত গরি দি থাঙচ্ছোন।বুড়ি ইনদি এগজা ছন্দভাচ মাদের।তা ঝিবোরে চেবাত্তেই উলোমুত্তো অয়ি।পরানে জানদি তারে বেচ ন বাজি বো আর।ইনদি হোই পাদানা উগুরে হোই পাদানা।নেই দেগা নেই।বুড়ি অনসুর এবার ধুন্ধুক হায়।চোগো পানি ফেলাদে ফেলাদে বুড়ির পরান সিনিলো।গোদা জিংহানিগান এক্কুই থুত্তুরেয়ি।আদাম্ম্যে পারাল্যে চিদপোড়া হাদন।তে ঝি বো এই ন ফেল।
বুক পোড়া গরি যেল বুড়ি।অকতমজিম সামালেলাক।মাই যিয়ে পারঘ অবার পাদাল্লে দেগা ন ওল।

কাবিদ্যাঙ:করুণ জ্যোতি চাঙমা