খোজ্রেউত্যা কধা-বিকেন চেগে

-
মুই আহধিক, আহদি বেরাং চিন্যা নচিন্যার জাঙালত;
মাদি বেরাং, মাদে যাং চিন্যা নচিন্যা অভেদর বন্দা।
এ নিখিলর নিখিলী যারা, তারালোই বনজুরি যাঙ
জাদর ভাচ, জাদর নাঙ তারারে মুই চিনেই যাঙ, সুনাঙ।
.
তারা কন, আমক অন মঅ জাদর নাঙান সুনিনে, নচিনন।
মুই কঙ, মরে চ মুই সেজাদর পুও যেজাদরে তুমি নচিনহ্।
তারা, আঝিনে মরে কন নধ সুনঙ তমা জাদর নাঙ
মুই কঙ, সালেন মনত রাঘঅ মুই চাঙমা, চাঙমা ম জাদ নাঙ।
.
এ ভবত চিরোকিত্তে যেধক খুচ ফেলেওং ঈধোত নেই
মাত্তর দেখ্যা, মাদেয়্যা যেধক নিজেনী আঘে ঈধোত উধে।
রুক্খামুলে জিরেওং, জুরোউদঘে পঞ্চক্খন্ডরে জাগেওং
অঝার গাঙ, চিগোন ছরা বেরেওং চিন্যা নচিন্যার সমারে!
.
মুই আহধিক, আহদি যেম, বেরে যেম এ চক্কবালত
মুই চিনে যেম, কোয় যেম রেগাউন বানীহ্ যেম বন্দা মনত!
বেক বরবর মুরোউন্দোই রেগাউন বানীহ্ যেম দরমর
সবনানী থোই যেম অক্থর গঙারত য্যান ওই পারন আঘুনলুর!
.
এ অঝার দেবাত্তলে লাকলাক তারাউন আঝদন চান্দোয়;
বমনর বন্দাত ছিদেদি যেম, তারুমর চেদন নুও তম্বার জাগনীত।
মুই দেঘে যেম, সুনে যেম আজানীয়া জাদর আজানীকধা
মুই সেঘে যেম কেনে আজানী ওই উধন নুও দিনর জেরতম্বা!
.
খোজ্রেউত্যা কধা
.
বিকেন চেগে
৮.৪.২০
মায়াসোটা, আমনগুধি
.
রঅভেদ
আহধিক-আহদিয়্যা, পথিক
ভব-জীংকানী
আজানী-বীর
বমন-বহুরূপী

Comments

Post a Comment

Popular posts from this blog

বেলত্তমা জীংকানি-করুন জ্যোতি চাঙমা

-
দিঃবে হঃ দারিত্তে গরি ফুলসুমুরি গজ টিক্কেট হুরদন।বোইয়েরঃ নাঙ বাচ নেই।হরান্নে অলে এ্যান অকতত চিদ ন বিচ্চ্যে চিকচিক্যে লাগে।দাঙদাঙ্গে চেরোপালা।মাদি চক্কর চক্কর গরি ফাত্তে।গাজত্তুন রাঙা রাঙা বুড়ো অয়ি পাদানি ঝরি যেয়ে।হরান্নের তঅত বেক আঙুরি অয়ি।চিগোন চিগোন ঝুরিঝারি শুগে যেয়ে।বড় ছড়াত পানিনাল মরা মরা ওয়ি।ছড়া পারত বাচবনর ছাবাত ঝরিপোচ্চ্যে ঝারবো নাকসা ফুলুন এবঃ সং পোতপোত্যে আগন।পানি নাল গোদা হুলুগ অয়ি।ছড়া ইযিয়ের হরমে।এ্যান অকতত লাঙেলঃ আদ্ধানত এক্কান চিগোন আলগ ঘর মুত্তি দক গরি থিগেই আগে।ইজোরান তেনজং অয়ি।ভালক বুলোন অয়ি পাপাং, হালিক ঘর নানুবোর সোর গরিবার নাঙবাচ নেই ।ইজোরত হয়িক্কো টেপ পোচ্চে পিলে গচ্চাদন।নারিহুলোর মালালোই বানেয়ে পানি লই দি ধোরোনি গান জলে ধোচ্চে গানি তঅতদ শুগেনেই থগরা মু গরি চেই আগে।ঘরর চেরোপালা বিরবিচ্চ্যে, সাঙসাঙ্গে।ঘরানত বানা দি বুচ্চে বুড়ি থান্ন্যে।দিন্নোবো এলে হামত যান।সাঝ অং অং গরি দে অরান গরি ঘরত ফিরন।বেন্নে ঘুমত্তুন উদিবাক ও হিজেহিচ্চ্যে আধাআত্ত্যে গরি ভাততোন রানন।হলাপাদা লোই মোচা গরি লন।যাদে সলাত আদ্ধানত ছড়াত চাদারাত থাগল ধারেই লন।বুচ্চ্যে বুড়ি হামঝারি মানুচ। সবাই বোজি ন...
Read more